Ազգային հավատարմագրում
«ԷՖ-ԴԻ-ԷՅ Լաբորատորիա» ՍՊԸ-ն հավատարմագրված է «Հավատարմագրման ազգային մարմին» ՊՈԱԿ-ի կողմից՝ համապատասխանելով ԳՕՍՏ/ԻՍՕ ԻԷԿ 17025-2019 ստանդարտի պահանջներին:
Լաբորատորիան ունի իրավասություն իրականացնել աշխատանքներ ՀՀ և Մաքսային Միության Տեխնիկական Կանոնակարգերով հավատարմագրված ոլորտների շրջանակներում:
Հավատարմագրման գրանցման համարը՝ № 050/T-139:
Միջազգային հավատարմագրում
«ԷՖ-ԴԻ-ԷՅ Լաբորատորիա» ՍՊԸ-ն առաջին հայկական փորձարկման լաբորատորիան է, որը ստացել է միջազգային ԻՍՕ/ԻԷԿ 17025:2017 ստանդարտի համաձայն հավատարմագրում՝ ANSI National Accreditation Board (ANAB) կողմից:
Այս հավատարմագրումը վկայում է տրամադրվող ծառայությունների բարձր որակի և համապատասխանության մասին միջազգային չափանիշներին: Այն հնարավորություն է տալիս հայկական արտադրողներին վստահորեն ներկայացնել իրենց արտադրանքը միջազգային շուկաներում, ունենալով որակյալ և հավաստի փորձարկման հաշվետվություններ:
«ԷՖ-ԴԻ-ԷՅ Լաբորատորիա»-ի արդյունքները ճանաչվում են բոլոր մայրցամաքներում, ինչը թույլ է տալիս ամրապնդել միջազգային համագործակցությունն ու վստահությունը:
Պետական գրանցում
«ԷՖ-ԴԻ-ԷՅ Լաբորատորիա» ՍՊԸ-ն համապատասխանում է ՀՀ կառավարության 2013թ. հունիսի 13-ի «Համապատասխանության գնահատման մարմինների նշանակման ընթացակարգը և չափանիշները հաստատելու մասին» N 623-Ն որոշմամբ սահմանված չափանիշներին և նշանակվել է որպես համապատասխանության գնահատման մարմին՝ ՀՀ Էկոնոմիկայի նախարարության կողմից:
Լաբորատորիան իրավասու է տրամադրել Պետական Գրանցման Վկայական, ինչը վկայում է նրա համապատասխանության բարձր մակարդակի մասին: